Tue01162018

Last update06:26:30 PM GMT

Font Size

Profile

Menu Style

Cpanel

Mamant̆i Žažamiaşi Ocağişe

  • PDF

Mendaftit Žažamiaşi oxorişa. Oxori otxao ǩalendo ont̆ulepe, urženişi bağepe godgeri, jur t̆abağoni ar oxorirt̆u. Oxorişi parto avlas didi, p̌ot̆enuri ar mʒxuli kogedgit̆u. Žažamiapeşi oxorişa vidit do ti çkuni voçinapit. Mamant̆i dido ǩai aǯonu do umeşonu na moftitşeni mu vasen gvaşaşu, ti asantalu. Manişa gyari dvoxazirapu, amaxt̆u t̆raşi diu do ǯalencixaşi televizyonişen jur muhabiri ti ducoxu.

ǯori yazi Samargaloşa vidit İsmail Bucaklişiş ǩala do heko bžirit çinoperi Margalepe do Samargaloşi mcveşi monument̆epe. Govulirt̆itşa Margalurişe Korturi nenapuna na ç̌aru Mamant̆i Žažamiaşati olva dovizmonit. Adresi muşi kep̌ç̌opitşuǩule ǯalencixaşi Eǯeri coxoni oput̆eşe mendaftit. Mu vuǩitxaten, muç̌o p̌aten var eǩemaǩarxes dido, mara gzas koǩovisinapit do ar jur mutxa komevinç̌arit oǩitxuşi. Umeşonu vulurt̆it Žažamiaşi oxorişa mara miçkut̆es ki jur Lazi ǩoçi, Margalişi oxorişeni didi musafirepe renan do xolo dğagunžeşi sofra domidganen do adeteburot ğvini gemibanen, ğomu mçanen!

Mendaftit Žažamiaşi oxorişa. Oxori otxao ǩalendo ont̆ulepe, urženişi bağepe godgeri, jur t̆abağoni ar oxorirt̆u. Oxorişi parto avlas didi, p̌ot̆enuri ar mʒxuli kogedgit̆u. Žažamiapeşi oxorişa vidit do ti çkuni voçinapit. Mamant̆i dido ǩai aǯonu do umeşonu na moftitşeni mu vasen gvaşaşu, ti asantalu. Manişa gyari dvoxazirapu, amaxt̆u t̆raşi diu do ǯalencixaşi televizyonişen jur muhabiri ti ducoxu.

Mara çku hantepeşeni va moftit dort̆u. Mamant̆işǩala kitabi muşişeni visinapat do ordoşa vigzalatert̆u. Him dğa p̌ri lumcas Sǩurişi mcveşi kilisaşa vidatert̆u. Mara Mamant̆i çkar va memaşkves. Soğuni oxoris mutonpe doçinaduşuǩule osinapus kodopxedit.
Mamant̆i Žažamia sumeneçidoçxoro ǯaneri rt̆u. Viditi oxori muşis cant̆u, ǩanseri rt̆u. Dido guri maç̌ves himuşa. Na gamaxtu leksiǩonişeni dido ora ren ǩulani muşişǩala içalişamt̆es. Baba do osuri oçalişu şeni motivasyoni avu Margaluri nenaşi zenginobape. Dido ora ren ki ǩonferansepe do çkva svalepe it̆urt̆u Mamant̆ik ki “Margaluri Nena dido xampa ren. Ar milioni ǩonari zit̆a kuğun Margaluris-ya. Mara miti var iceru Mamant̆işi tkvalapes. Mukti, muşisteri akademiǩosi na ren ǩulanimuşi ǩala ham tezi nişi omtinu şeni kogyoç̌ǩes ham leǩsiǩonişi oç̌arus. Leksiǩonişi ğirobaşeni nenamçkinupek muti unonan tkvan mara, Margaluri nena do ist̆oriaşeni didi dolya ves ham baba do osurik.

Mamant̆i muşi leksiǩoni ǩaixeşa moçinapes. Na mitǯves haşort̆u ki, Leksiǩoni şkviti t̆omi ren do ar milioni ǩonari sit̆ǩva meşaç̌arun. Ham şkvit t̆omişi maartani, majurani do masumani t̆omepes Verbepe do verbepeşe na imralu zit̆ape ç̌areli ren. Mamant̆işi nenapeşi eçkindalaşi teori do ham teori şeni entxozepe na ren ham maartani norte ǩonsonat̆i do vuayelepeşi ǩomp̌ozisyonepete na imralen verbaluri cicepe do çkva interesani datapete opşa ren.

Majurani norte, maotxani, maxutani do maaşani t̆omepe ren do ham t̆omepe nomini (coxo) do nominepeşa na imralu zit̆apeşi nenapuna ren. Masumani norte, maşkvitani t̆omi ren do ham t̆omisti Magaluri afiksepe meşaǩitxums.

Žažamia dido misinapes Margaluri nenaşi eçkindalaşeni, doxmelobapeşeni mara haǯi hak mteli vato matkvan.

Žažamia Zugdidişi Universit̆es oǩitxapams muşi noç̌are ǯigni.

Didi p̌at̆riot̆i Mamant̆i Žažamiaşi çkva noçalişepe hani ren:

1. Mamant̆i Žažamia & ʒira Žažamia: Enis ǯarmoşobis Saidumloeba. Zugdidi 1977

2. Megruli Dialekt̆i. 2 T̆omiani. Tbilisi 1991

3. ʒira Žažamia: Sit̆qvatǯarmomavloba – Enis ǯarmoşoba Sapužveli. Senaǩi 200ʒ

4. ʒira Žažamia & Vladimer Vaxania: Megruli Enis Leksiǩa da Sit̆qvatǯarmomavloba. 7 T̆omiani. Tbilisi 2007

 

 

İrfan ALEKSİ

Helimişi XASANİ

Helimisi
Lazcanın Evrensel Şairi

Coxope

Coxope
Çocuklara Lazca İsim

93 Harbi

93 Harbi
Muhacir Lazlar

Arkeopolis

Arkeopolis
Lazika'nın Başşehri

Lazca Açıköğretim

Lazca Açıköğretim
Açıköğretim Başlıyor