Sun12172017

Last update06:26:30 PM GMT

Font Size

Profile

Menu Style

Cpanel

Piǯari Arabaşi Fesťivali

  • PDF

tahtaarabaAmǯho Dutxa do Meǩalesǩiritis piǯari arabaşi gecginape dixenu. Dutxes majurani fara na ivu musabakapes “Formulaz” ya-do coxo gyodves. Ağani do tişineri dido piloťepe na amaxtes rallişi pisťis piǯari arabapek yarişişi arabape va gvogorapes. Dutxas na ivu gecginaşa Dutxaşi beledieşi reisi Ahmet Topali-ti mendaxtu.

Topalik hamǯho majurani na ivu şenluğişa dido ǩoçi na moxtu do beledieşi imkanepete ham dulyas na eǩuşvelanen ya tku do “Haǯhineri berepes, didepeşi skidala do kultura nişi doguru şeni viçalişamt. Ham gecginapete ǩoçepe oǩoxtunan, oxvoktunan, beronaşi ndğalepeşa goiktenan.” ya tku. Meǩaleskiritis Şuşuri Raǩani na gyožin svas, 5 grubi do 20 piǯari araba na amaxtu gecginas Bilal Kaptani maartani ivu. İri ǯhana oxenuşi ṕlani na ikuman rallepes, maartanepes gverdişgverdi orko do ǩupa niçinu.

Son Güncelleme: Perşembe, 12 Nisan 2012 11:47

Helimişi XASANİ

Helimisi
Lazcanın Evrensel Şairi

Coxope

Coxope
Çocuklara Lazca İsim

93 Harbi

93 Harbi
Muhacir Lazlar

Arkeopolis

Arkeopolis
Lazika'nın Başşehri

Lazca Açıköğretim

Lazca Açıköğretim
Açıköğretim Başlıyor